''Plave'' protiv Kopenhagena na startu glavne runde

Rukometašice Budućnosti na startu glavne runde Lige šampiona ugostiće danski Kopenhagen, poznato je nakon što je kompletirana grupna faza elitnog takmičenja i određen raspored druge runde koja počinje posljednjeg vikenda januara.

''Plave'' će glavnu rundu započeti kao drugoplasirane u grupi 1 sa šest bodova, a na prvom mjestu je Rostov Don sa sedam.

Mec je iz grupne faze prenio pet, Kopenhagen tri, Brest dva, a Odenze jedan bod.

U drugom kolu, Milena Raičević i saigračice gostuju ruskom Rostov Donu, a prvi dio glavne runde završavaju duelom protiv Bresta u ''Morači''.

U drugoj grupi u glavnoj rundi, Đer je prvoplasirani sa maksimalnih osam bodova, dva više od CSM Bukurešta, Vajpers ima četiri, a Krim tri boda. Na posljednja dva mjesta u grupi 2 su FTC sa dva i Tiringer sa bodom.

Plasman u četvrtfinale izboriće po četiri prvoplasirana tima iz grupa.

RASPORED BUDUĆNOSTI U GLAVNOJ RUNDI LIGE ŠAMPIONA

Budućnost – Kopenhagen (26/27. januar)

Rostov Don – Budućnost (2/3. februar)

Budućnost – Brest (9/10. februar)

Kopenhagen – Budućnost (23/24. februar)

Budućnost – Rostov Don (2/3. mart)

Brest – Budućnost (9/10. mart)